Cysylltwch â’ch ymgeiswyr heddiw 

Nid rhywbeth moethus yw coed. Maen nhw’n un o’r pethau doethaf i fuddsoddi ynddynt yng Nghymru. 

  

Mae coed yn oeri ein strydoedd yn ystod cyfnodau o dywydd poeth, yn glanhau’r aer mae ein plant yn ei anadlu, yn lleihau achosion o lifogydd ac yn cefnogi ein hiechyd meddyliol a chorfforol. Ond mae mynediad at fuddion coed yn anghyfartal, ac mae llawer o goedwigoedd a choed pwysicaf Cymru heb eu cydnabod neu dan fygythiad. Mae angen newid hyn.  

  

Rhaid i’r Senedd nesaf gydnabod gwerth coed fel treftadaeth fyw nad oes modd ei disodli. Rhaid i’r Senedd ddewis y llwybr gorau, gan gydnabod coed a choedwigoedd fel asedau cenedlaethol hanfodol sy’n darparu iechyd, llesiant a gwydnwch i bawb yng Nghymru.  

 

  • Gallai dyblu gorchudd coed leihau nifer y marwolaethau sy’n gysylltiedig â gwres yn ninasoedd Ewrop yn ystod misoedd yr haf o tua 40%. 

  • Mae 77% o feddygon teulu yn credu y byddai rhagor o goed yn lleihau'r straen ariannol sydd ar y GIG. 

  • Gall dŵr glaw dreiddio i bridd hyd at 67 gwaith yn gynt mewn ardaloedd gyda choed o’i gymharu â phorfeydd, gan leihau dŵr ffo o tua 78%. Mae hyn yn lleihau achosion o bridd fferm yn erydu, yn ogystal â holl effeithiau llifogydd.  

  • Ar ein strydoedd, mae coed yn atal glaw trwm ac yn arafu llif y dŵr i systemau draenio o hyd at 80% o’i gymharu â tharmac. Mae coed yn lleihau effaith llifogydd ar bobl ac yn lleihau’r costau cynyddol sydd ynghlwm â llifogydd yn sylweddol. 

Ymunwch â ni wrth i ni alw ar Aelodau o'r Senedd a Llywodraeth Cymru i wneud pedwar ymrwymiad allweddol:  

  1. Gwneud tegwch coed yn genhadaeth genedlaethol, er mwyn i bawb allu elwa o gymdogaethau iachach a mwy gwyrdd. 

  1. Sicrhau dyfodol gwydn i ffermio, cymunedau gwledig a diwylliant Cymru drwy gydnabod a rhoi’r gwasanaethau hanfodol y mae coed yn eu darparu ar waith.  

  1. Gwarchod ac adfer ein treftadaeth fyw drwy fuddsoddi yn ein coed pwysicaf, ein coedwigoedd hynafol a’n coedwigoedd glaw fel asedau cenedlaethol na ellir eu disodli. 

  1. Tyfu Cymru gyda choed, cefnogi swyddi gwyrdd medrus, creu cadwyni cyflenwi moesegol a chryf a ffyniant hirdymor. 

 

Cysylltwch â’ch ymgeiswyr heddiw er mwyn helpu i roi coed wrth galon Cymru iachach, Cymru decach a Chymru fwy gwydn.

Cwymplen Holi ac Ateb ▼ 

 

Ble alla i gael rhagor o fanylion am Faniffesto Coed Cadw? 

Maniffesto llawn Coed Cadw – ‘Gwreiddio Gyda’n Gilydd’ 

 

Pam na alla i weld yr holl ymgeiswyr? / Pam nad yw'r holl bleidiau wedi’u rhestru?  

Nid yw pob plaid wedi cyhoeddi pwy yw'r ymgeiswyr eto. Bydd ein system e-bost yn cael ei diweddaru’n rheolaidd wrth i ragor o ymgeiswyr gael eu cyhoeddi. 

Ceir rhagor o fanylion am yr amserlen ddisgwyliedig yma.  

 

Sut bydd y system bleidleisio newydd yn gweithio yn Etholiad nesaf y Senedd?  

Yr enw ar y system newydd yw ‘system rhestr gyfrannol gaeedig.’ Mae hyn yn golygu y bydd nifer y seddi y bydd plaid neu ymgeisydd annibynnol yn eu hennill yn adlewyrchiad tecach o ganran y pleidleisiau y byddant yn eu cael.  

  • Bydd Cymru yn cael ei rhannu yn 16 ardal ar gyfer etholiad 2026, a’r ardaloedd hyn fydd yr etholaethau.  

  • Bydd gan bob etholaeth chwe sedd yn y Senedd, sy’n golygu y bydd chwe Aelod yn cael eu hethol ym mhob ardal.  

  • Bydd pleidiau gwleidyddol yn rhestru hyd at wyth ymgeisydd ar gyfer pob etholaeth. Gall ymgeiswyr annibynnol hefyd sefyll yn yr etholiad.  

  • Byddwch yn pleidleisio dros un blaid, neu un ymgeisydd annibynnol.  

  • Mae’r seddi yn cael eu dyrannu ar sail cyfran y pleidleisiau y mae pob plaid, neu ymgeisydd annibynnol, yn ei chael.  

  • Er enghraifft, os bydd plaid yn ennill tair sedd, bydd y tri pherson ar frig ei rhestr yn cael eu hethol i'r seddi hynny.  

  • Bydd cyfanswm o 96 Aelod o’r Senedd yn cael eu hethol.   

Ceir rhagor o wybodaeth yma. 

  

  • #
  • 1
  • 2
  • 3

Rwyf wedi anfon e-bost at fy ymgeiswyr

 

 

negeseuon e-bost eisoes wedi’u hanfon

 

Dechreuwch drwy roi eich manylion i ddod o hyd i’ch ymgeiswyr.

Eich manylion